Gowynyn gadry.

Gowynyň gadyryn bilsinler diýip
Erbetlik diýen zat döränmiş kem-kem
Hemmeler gowynyň gadyrny bilse
Erbetlik äleme inmejek eken

Ýaşlygyň gadyryn bilsinler diýip
Gojalyk ýerinden turanmyş kem-kem
Hemmeler ýaşlygnyň gadyrny bilse
Gojalyk gojaly:yp öljegem eken

Söýginiň gadyryn bilsinler diýip
Hasrat gözlerini açanmyş kem-kem
Hemmeler söýginiň gadyrny bilse
Hasrat ukydanam turmajak eken

Saglygyň gadyryn bilsinler diýip
Kesel diýilýän zat döränmiş kem-kem
Hemmeler saglygyň gadyrny bilse
Äleme inmezdim diýýärmiş kesel

Adamyň gadyryn bilsinler diýip
Gaharlanyp ölüm inenmiş ýere
Her kim bir-biregiň gadyrny bilse
Ölüm gelen ýerne gitjekmiş ýene.

#KerimGurbannepesow.