Isleme

"Sen uçmak isleseñ ganat bolardym,
2) Sen uçmah isleseñ jennet bolardym,
3) Sen gonmak isleseñ toprak bolardym,
4) Sen saýa küýseseñ ýaprak bolardym".

Bolardym ýöne sen hi:ç göwnemediñ,
Öñkimden sowashdym heniz sönmedim,
Menä güldürmedim senem gülmediñ,
Öñki gülkä dolan günüñ küýseme.

1)Sen uçmak isleme ganatyñ men däl,
"Sensiz uçaryn"diýme hemmeler deñ däl,
Çyn söýjek ýekedir aldajaklar kän,
Ýalançy ganatda uçmak isleme.

2)Sen uçmah isleme sogapsyzsyñ sen,
Aýrylmak sowapmy?Jogapsyzsyñ señ,
Sensiz ýekelikde sowapdyryn men,
Günäñi ýuwmadan uçmah isleme.

3)Sen gonmak isleme ýerde içýan kän,
Süýji dili bilen ajy çakýan kän,
Az bagty köp görüp garshy çykýan kän,
Görüpli topraga gonmak isleme.

4)Sen saýa küýseme ýapragym solan,
Ýel bilen uçupdyr gaplapdyr tozan,
Saýaly günlermiz nädipdir hazan,
Hazan uran bagdan saýa küýseme.