Söhbet Döwletow "Men ölsem..."

Men ölsem, yzymda bagryny daglap,
Çyn aglajak ynsan - olam ejemdir.
Ömrüň haçan soňlanjagy belli däl,
Belki, şol ömrümiň ýarsy geçendir.

Men ölsem, gara ýer dolmazam welin,
Yzymda at goýsam ölenme deger.
Iň bolmanda bir zat başardygym bor,
Ýeke ýagşylykda ýatlansam eger.

Men ölsem, guramaz gyzyl bägüller,
Emma solar, göwnümdäki bir gülüm.
Gyzyl bägülleri guratmasa-da,
Iň esasy güli soldurýar, ölüm.

Söhbet DÖWLETOW.
10.07.2024ý.