Bilgeşleýin kän degildi göwnüme...”




Yralamaň yraň atan ykbalym,
Syna salyp sary gaçan sabrymy.
Ýalňyşmajak bolup, ýanmajak bolup,
Amal edenlerim, aýdyň, dogrumy?

Özümi ömrüme tabyn eýledim,
Eýeledim “ynsan” diýen adyny.
Eý, ykbal, bu ýolda meni neýlediň?!
Tanamadym adam bilen adamy.

Bilgeşleýin kän degildi göwnüme,
Dowla düşen duýgulamdan däneýin.
Daşym almaň, goýuň meni günüme,
Bolsun meniň özbaşyma täleýim