Sen dälmi?

Çuňňur oý-pikire goýup, başymy
Goşgy ýazma, mejbur eden sen dälmi,
Käte gizlin süpürip, gözýaşymy,
Aglamaga mejbur eden sen dälmi!?

Aşyk edip kän gözeliň yşgyna,
Joşdyrdyň, bezeg berdiň goşgyma,
Dolap aldyň, geçen ýolum, ýaşlygma,
Ýatlamaga mejbur eden sen dälmi!?

Senden başga bilýän ýokdur görenmi,
Kän görmesin Alla maňa berenni,
Ýeke men däl ähli ynsan ýüregni,
Para-para edip goýan sen dälmi!?

Sensiz ýaňlanmaýar aýdym, gazaly,
Sensiň ähli ýürekleriň özeni,
Aşyk edip, bagş etdiň, maňa Gözeli,
Duýgylaryň beýgi, söýgi, sen dälmi?

Remezan Mametgurbanow