# Bagyşlañ meni!...

Göwnüñize degen bolsam bälçiräp,
Ýa etmedik bolsam göwüne emi,
Şatlykly ýüzleri turşadan bolsam,
Bagyşlañ meni!.

Biri gelip ýalñyş ýerim aýdanda,
Gözlemedik bolsam özümden kemi,
Gaýta özgeleri günälän bolsam,
Bagyşlañ meni!.

Gussadan, kineden iglämde käte,
Mähirli kalplardan gözlämde nemi,
Nebsime haý diýmän susaklan bolsam,
Bagyşlañ meni!.

Ajal bilen darkaş guran çagymda,
Horkuldap alamda iñ soñky demi,
Aýdyp bilmän galan sözlerim üçin,
Bagyşlañ meni!...

Awtory: Baýram Bejidow