Gyýçak daş

GYÝÇAK DAŞ

Eý, gyýçak daş, hol ýigidiň,
Aýagyny gyýmaweri!
Ýüregimi gyýandyr ol.
Daş bolsaňam söýgün ony,
Diňe özün söýendir ol.

Büdüretme gabat gelse,
Köňül köşgüm ýykandyr ol.
Çenäp zyňsalar sowa geç,
Ýeňseden daş atandyr ol.

Birmahallar ýörejekdim,
Bar menzili baglapdy ol.
Eý, eziz daş, şol ýigidiň
Ýollaryna basgançak bol!

Gaýalara çykar ony,
Artygny söý, söý keminem.
Bu dünýeden giden wagtam
Öwrül onuň heýkeline...

Suraý Babanýazowa