Bu gün ýene kalbym seni soraýar...




"Bu gün ýene kalbym seni soraýar...

Bu gün ýene, kalbym seni soraýar,
Ýatlap ajap enesiniň gülini
Sen entägem geljegimden gideňok,
Arzuwymda ejemjanyň gelini

Nirden?
       Nädip?
           Beýle söýgi diýsene!
Görmesekde bir-biregi gözünde
Men seniň görnüşiň tapdym ahyry!
Goşgulamda,
                 setirlemde,
                                    sözümde

Kalbyň söýdüm - gözellikleň seresi
Şeýdip ýakdym kalpda yşgyň ataşyn
Arman, bir menzile ädim ätmedik,
Taňryň ýazan ykbalynda sataşyp

Pursat bardyr oýlanmaga, bilmäge
Ýandy janym, bir halymy sora ýar!
Düýşe gel,
Huşa gel,
Parhy ýok maňa
Bu gün ýene kalbym seni soraýar...


Ylham GURBANALYÝEW"