Dürli

Saňa bu duýgyny aýdaýyn nädip?
Günler geçip barýar ömrümden gädip,
Görsedim süýjije lebiňden dadyp,
Galarmy ýürekde armanym Dürli ?

Sen bolmasaň boşap galar bedenim,
Sensiz bu durmuşy näme edeýin ?
Aýt senden aýrylyp nirä gideýin?
Ýene-de ýanyňa barýaryn Dürli.

Ýanymda bagt, ýüregimde harasat,
Harasatdan şu setirler dörese,
Şol setirler seň göwnüňe ýarasa,
Galmaýar ýürekde armanym Dürli.

Göwre iki göwün göýä ýekemi?
Gel bileje ýekeligi ýeňeli.
Durmuş zirke dönse sensiň şekeri,
Durmuş kesel bolsa dermanym Dürli .

Gerçeknazar Amannazarow