...Bir pursatda garyp galdym ezizim




Sen gitdiñ. Şo pursat boşady ruhum.
Hemme zat manysyn ýitirdi birden.
Şatlygym galmady, bagtym galmady,
Şo pursat bar zady uçurdy serden.

Daglarym peseldi baglarym bile,
Şemalym sowulyp duşumdan ötdi.
Boşap galdym misli gaşsyz diwala,
Okan kitaplarmyñ manysy ýitdi.

Hatda öz ruhuñam aldyñ-da gitdiñ;
Gol, gaşyñ, egniñi gözden salamok,
Ýöne olañ baryn öñki bolşy deý,
Seniñ syratyñda jemläp bilemok.

Çasly çeshmelerim akýar tersine,
Tersine ýañlanýar aýdymym-sazym.
Seniñ barlygyñdy meniñ baýlygym,
Bir pursatda garyp galdym, ezizim